OLİMPİADA QALİBLƏRİNİN ALİ MƏKTƏBLƏRƏ MÜSABİQƏDƏNKƏNAR QƏBULU ÜÇÜN QANUNVERİCİLİKDƏ DƏYİŞİKLİKLƏR EDİLƏCƏK

0
180

“Təhsil Nazirliyi beynəlxalq olimpiada qaliblərinin istənilən ixtisas üzrə, Respublika fənn olimpiadaları qaliblərinin isə qalib olduqları fənlərə uyğun ixtisaslar üzrə ali təhsil müəssisələrinə müsabiqədənkənar qəbul edilməsinə dair qanunvericilikdə müvafiq dəyişikliklərin edilməsi üçün təkliflər hazırlayıb”.

Bunu təhsil naziri Ceyhun Bayramov deyib.

O bildirib ki, təkliflər artıq aidiyyəti qurumlarla razılaşdırma mərhələsindədir. Nazir əlavə edib ki, hazırlanmış təkliflər Milli Məclisə də təqdim olunacaq: “Respublika fənn olimpiada qalibləri çox yüksək hazırlığa malikdirlər. Hazırda dünya fənn olimpiada qalibləri müvafiq ixtisaslara müsabiqədənkənar qəbul oluna bilirlər. Şagirdlərin olimpiadada iştirakını stimullaşdırmaq üçün dünya fənn qaliblərinin istənilən ixtisas, respublika fənn olimpiada qaliblərinin isə qəbul olduqları fənn üzrə ali məktəblərə müsabiqədən kənar qəbul olunması onlar üçün stimullaşdırıcı rol oynaya bilər. Buna görə də bu məsələ ilə bağlı təkliflər hazırlamışıq”.

C.Bayramov bildirib ki, xüsusi istedadlı şagirdlər üçün liseylərin sayını artırılması planlaşdırılır.

 

Report.az

BIR CAVAB YAZIN

Rəyinizi paylaşın
Zəhmət olmasa adınızı daxil edin